Ingema (Matia Gerontologia Institutua) Matia Fundazioaren barruan sortu genuen, helburu sozial honekin: edadetuen eta urritasunen beharrei buruzko ezagutza sortu, garatu eta hedatzea, edadetuen gaitasun indibidualak areagotzen laguntzeko ekimenak sustatzea eta edadetuen partaidetza soziala bultzatzea.

Matia Gerontologia Institutuak (INGEMA), beraz, hauxe du helburu: zuzenean nahiz zeharka edadetuen eta urritasun larriko pertsonen nahiz horien inguruko senitartekoen bizi-kalitatea hobetzen lagundu dezaketen arloetan ezagutza sortu eta garatzea, ezagutza hori aplikatzea eta ahalik eta gehien hedatzea.

Ingemaren jarduerak 3 ardatz ditu funtsean:

• Adierazitako helburuak lortzeko moduko ezagutza edo teknologiak ikertu eta garatzea.

• Teknologia horiek praktikan jartzea eta homologatzea, nola Matia Fundazioak eskainitako zerbitzuen bidez hala zerbitzu berrien sorrera bultzatuz.

• Sortutako ezagutza eta esperientzia kanpoan ahalik eta gehien zabaltzea.

Hauek dira gure printzipioak:

• Fundazioaren adituek ehun urtetik gorako ibilbidean bildutako ezagutza eta esperientzia.

• Garatutako ezagutza Fundazioaren barruan aplikatzea, bertan eskaintzen diren zerbitzu ugarien bitartez. Hau da, ikerketa eta ekintza uztartzea.

• Elkartasuna. Gure ustez, politika soziala (gure kasuan edadetuen arlokoa) hortik abiatuta zehaztu behar da.

Zahartzaroak bere balioa dauka, eta nahitaezkoa da gizartean duen eginkizuna bultzatzea.