Ibero Amerikako hainbat herrialderi gure lankidetza eskaintzen diogu, IMSERSOko Lankidetza eta Prestakuntza Espezializatuko Departamentuen, Nazioarteko Lankidetzaren Espainiako Agentziaren eta Matia Fundazioaren artean adostutako proiektuaren bidez.

Proiektu handia da eta honako arlo hauetara dago bideratuta:

• Latino Amerikako hainbat herrialdetako gobernuko zein gobernuz kanpoko erakundeetako profesionalak prestatu eta birziklatzera, edadetuei zuzendutako arretaren eta esku-hartzearen inguruko tekniketan eta arreta horren inguruko proiektuen formulazioan. 2001ean, bi ikastaro egingo dira Cartagena de Indiasen (Kolonbia), Latino Amerika osoko profesionalentzat: lehena apirileko bi astetan izango da, eta bigarrena azaroko aste batean.
• Proiektuak gainbegiratzera, bi modu osagarritan: a) posta elektroniko, fax eta abarren bidez; b) tokian bertan, hau da, fundazioko teknikariak zenbait herrialdetara joango dira, proiektuetan eta proiektuon erakunde laguntzaileekin lan egitera.
• Hainbat herrialdetako profesionalek hilabete bateko edo biko egonaldiak egiten dituzte Matia Fundazioan, beren prestakuntza teknikoa Gipuzkoan praktikekin osatzeko.